Yuxarı
    Bağlamaq

    Kürdəmirdə güclü yağış fəsadlar törədib - FOTO

    Həyətlərə yığılan suyun hündürlüyü 15 santimetrə qədər qalxıb© Report.az

    Kürdəmir. 10 aprel. REPORT.AZ/ Kürdəmir rayonunda güclü yaşış fəsadlar törədib.

    "Report"un Şirvan bürosunun verdiyi məlumata görə, yağış və sel suları küçə və həyətləri su altında qoyub. Ötən gün axşam saatlarından başlayan yağış bu gün səhər saatlarına qədər davam edib. Yağan güclü yağışdan sonra bəzi fərdi yaşayış evlərinin həyətyanı sahələrini və küçələri su basıb. Aramsız yağışlar nəticəsində əmələ gələn sel suları Kürdəmir şəhərinin Bakı prospekti, Məhəmməd Hadi və Azərbaycan küçələrində gölməçələr əmələ gətirib. Rayon mərkəzində sel suları yolları keçilməz hala salıb. Həyətlərə yığılan suyun hündürlüyü 15 santimetrə qədər qalxıb. 

    Kürdəmir rayon Fövqəladə Hallar Komissiyasının nümayəndələri yağış suları dolan yerlərdə və həyətlərdə olublar. 

    Rayon Fövqəladə Hallar Komissiyasının sədri Tacəddin Novruzov “Report”a bildirib ki, su altında qalan küçələrə su nasosları və texnika cəlb olunub.

    Hazırda komissiya küçələrə baxış keçirir. Günün sonuna qədər həmin küçələrdə hərəkət tamamilə bərpa olunacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi