Konstitusiya Məhkəməsi inzibati xəta ilə bağlı qərardan şikayət vermə qaydasını şərh edəcək

Konstitusiya Məhkəməsi inzibati xəta ilə bağlı qərardan şikayət vermə qaydasını şərh edəcək ​​​​​​​Konstitusiya Məhkəməsi Palatasının növbəti iclası keçirilib.
Hadisə
647
24 İyul , 2020 14:34
Konstitusiya Məhkəməsi inzibati xəta ilə bağlı qərardan şikayət vermə qaydasını şərh edəcək

Konstitusiya Məhkəməsi Palatasının növbəti iclası keçirilib.

“Report” xəbər verir ki, iclasda İnzibati Xətalar Məcəlləsinin 129.1.3-cü maddəsinin şərh edilməsinə dair Nəsimi Rayon Məhkəməsinin müraciətinə baxılaraq icraata qəbul olunması haqqında qərardad çıxarılıb.

Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun avqustun 18-nə təyin edilmiş iclasında baxılacaq.

Qeyd edək ki, İXM-nin 129-cu maddəsi inzibati xəta haqqında iş üzrə qərardan şikayət və ya protest vermə qaydasını müəyyən edir. Maddənin 1.3-cü bəndində isə qeyd edilir ki, səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir.

Son xəbərlər

Orphus sistemi