Kəngərlidə narkotik vasitələr və psixotrop maddələr məhv edilib

Naxçıvan Muxtar Respublikasının (MR) Kəngərli rayonunda narkotik vasitələr və psixotrop maddələr məhv edilib.

"Report"un yerli bürosunun məlumatına görə, proses az və xeyli miqdarda olan narkotik vasitələrin, psixotrop maddələrin və onların prekursorlarının məhv edilməsi üzrə komissiya üzvlərinin iştirakı ilə baş tutub.

Kəngərli rayonu ərazisində yerləşən boş ərazidə 22 ədəd “metadon” həbi, 74,499 qram qurudulmuş marixuana, 13,891 qram həşiş qətranı, 583 ədəd “tramadol” həbi, 3,008 qram metamfetamin, 76,876 qram tiryək, 78 ədəd “buprenorfin” həbi yandırma üsulu ilə məhv edilib.

Qeyd edilən narkotik vasitələr 2023 və 2024-cü illər ərzində Kəngərli rayonu ərazisində müsadirə olunub.