Kəngərlidə tank əleyhinə mərmilər tapılıb

Naxçıvan Muxtar Respubilkasının Kəngərli rayonunda partlamamış altı ədəd mərmi aşkar edilib.

"Report"un yerli bürosu xəbər verir ki, Kəngərli Rayon Polis Şöbəsinin əməkdaşlarının əməliyyat axtarış tədbirləri nəticəsində rayon ərazisində 2 ədəd 122 mm-lik, 1 ədəd 112 mm-lik, 1 ədəd 87 mm-lik top mərmisi, 1 ədəd 84mm-lik minaatan mərmi, 1 ədəd 42mm-lik tank əleyhinə mərmi aşkar olunub.

Həmin mərmilər polis əməkdaşları və Fövqəladə Hallar Nazirliyinin minalardan təmizlənmə üzrə pirotexnik qrupu tərəfindən götürülərək zərərsizləşdirilməsi üçün məhvetmə ərazisinə daşınıb.