Zəngilanda avtomobil qəzası olub, ölən və xəsarət alanlar var- YENİLƏNİB

Zəngilan ərazisində baş vermiş avtomobil qəzası nəticəsində xəsarət alanların adları məlum olub.

"Report"un Qərb bürosunun məlumatına görə, pikap tipli avtomobilin yük maşınınla toqquşması nəticəsində 45-50 yaşlarında kişi hadisə yerində dünyasını dəyişib.

Avtoqəzada, 1995-ci il təvəllüdlü Vüsal İsmayılzadə, Natiq Bayramov, Emin İbrahimov və daha bir nəfər xəsarət alıb.

Zərərçəkmişlər xəstəxanaya yerləşdiriliblər.

Faktla bağlı araşdırma aparılır.

17:35

Zəngilan yolunda avtomobil qəzası olub, ölən və xəsarət alanlar var.

"Report"un Qərb bürosunun məlumatına görə, "UAZ" markal avtomobilin aşması nəticəsində 1 nəfər dünyasını dəyişib, daha 4 nəfər xəsarət alıb.

Xəsarət alanlar xəstəxanaya çatdırılıblar.

Faktla bağlı araşdırma aparılır.