Yuxarı
    Bağlamaq

    Keçmiş arvadını bıçaqlayan Bakı sakininə hökm oxunub

    Hakim Rauf Əliyevin sədrliyi ilə keçirilən məhkəmə yekunlaşıb

    Bakı. 3 fevral. REPORT.AZ/ Bu gün Bakı Ağır Cinayətlər Məhkəməsində keçmiş arvadını bıçaqlamaqda təqsirləndirilən Bakı şəhər sakini, 1978-ci il təvəllüdlü Eyvaz Kərimovun cinayət işi üzrə məhkəməsi başa çatıb.

    "Report"un məlumatına görə, hakim Rauf Əliyevin sədrliyi ilə keçirilən prosesdə hökm oxunub.

    Məhkəmənin hökmü ilə E.Kərimov 4 il 6 ay müddətinə azadlıqdan məhrum edilib.

    Qeyd edək ki, hadisə keçən il Binəqədi rayonu, Biləcəri qəsəbəsində baş verib. 1978-ci il təvəllüdlü Eyvaz Kərimov keçmiş arvadı, 1980-ci il təvəllüdlü Ülkər Abdullayevanı qısqanclıq zəminində bıçaqlayıb.

    Ülkər Abdullayeva xəstəxanaya yerləşdirilib və vaxtında tibbi yardım göstərildiyi üçün həyatını xilas etmək mümkün olub. Cinayəti törədən E.Kərimov tutulub.

    O, Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə ittiham olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi