Yuxarı
    Bağlamaq

    ​Jurnalistin deputat Elmira Axundovaya qarşı apellyasiya şikayətinə baxılıb

    Birinci instansiya məhkəməsinin çıxardığı qərar qüvvədə saxlanılıb

    Bakı. 4 fevral. REPORT.AZ/ Bakı Apellyasiya Məhkəməsində jurnalist Feyruz Həşimovun Xətai Rayon Məhkəməsinin qərarından verdiyi apellyasiya şikayətinə baxılıb.

    "Report" xəbər verir ki, Milli Məclisin deputatı Elmira Axundova ilə çəkişmə məhkəməsinin sədri hakim Cəmilə Səfiyeva olub.

    Bakı Apellyasiya Məhkəməsinin qərarına əsasən, birinci instansiya məhkəməsinin çıxardığı qərar qüvvədə saxlanılıb. Jurnalistin apellyasiya şikayəti təmin edilməyib.

    Qeyd edək ki, ötən il Elmira Axundova F.Həşimovu bəzi kütləvi informasiya vasitələrində onun barəsində qərəzli və böhtan xarakterli materiallar yaymaqda günahlandıraraq məhkəməyə verib. Xətai Rayon Məhkəməsi F.Həşimovun yazdığı məqalə ilə əlaqədar təkzib verməsi və vurulmuş mənəvi ziyana görə ondan E.Axundovanın xeyrinə 5 min manat tutulması barədə qərar çıxarıb. Qərardan narazı qalan F.Həşimov apellyasiya şikayəti ilə Bakı Apellyasiya Məhkəməsinə müraciət edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi