Yuxarı
    Bağlamaq

    Azərbaycanda həbsdə olan məşhur iş adamına bəraət verilib

    Bəraət barədə qərarı Gəncə Apelyasiya Məhkəməsi qəbul edib

    Bakı. 11 sentyabr. REPORT.AZ/ Azərbaycanda dələduzluqda, mənimsəmə və ya israf etmədə və vergi ödəməkdən yayınmada ittiham olunan iş adamı Müqayis Verdiyevə bəraət verilib. Bu barədə “Report”a həmin şəxsin vəkili Adəm Məmmədov bildirib.

    Bəraət barədə qərarı Gəncə Apelyasiya Məhkəməsi verib.

    Goranboy rayonundan olan iş adamı Müqayis Verdiyev barəsində Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə), 179.3.2-ci (mənimsəmə və ya israf etmə, külli miqdarda törədildikdə) və 213.1-ci (vergi ödəməkdən yayınma, xeyli miqdarda vergiləri və ya məcburi dövlət sosial sığorta haqlarını ödəməkdən yayınma) maddələri üzrə cinayət işi başlanılıb. 2013-cü ildə Gəncə Ağır Cinayətlər Məhkəməsinin hökmü ilə ona 9 il 6 ay həbs cəzası verilib.

    İş üzrə zərərçəkən qismində "Fəqan Xidmət" MMC göstərilirdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi