"İpək yolu"na avtomobillə qanunsuz daxil olan sürücü qəza törədib, ölən var

Xaçmazda "İpək yolu"na avtomobillə qanunsuz daxil olan sürücü qəza törədib, ölən var.

"Report"un xəbərinə görə, hadisə noyabrın 4-də rayon ərazisində qeydə alınıb.

Belə ki, Seyidov Nadir Bəbir oğlu "VAZ-2106" markalı, 27-BC-019 dövlət qeydiyyat nişanlı avtomobillə istifadəyə verilməyən, girişləri daş panellərlə bağlanan "İpək yolu"na qanunsuz daxil olub. Daha sonra o, idarəetməni itirib və avtomobil daş panelə çırpılıb. Nəticədə N.Seyidov hadisə yerində ölüb.

Faktla bağlı Xaçmaz Rayon Polis Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq aparılır.