Azərbaycan sərhədini qanunsuz keçərək külli miqdarda narkotik gətirən şəxs tutulub

Azərbaycan sərhədini qanunsuz keçərək külli miqdarda narkotik gətirən şəxs tutulub Masallı sakini 2 kiloqrama yaxın heroinlə saxlanılıb
Hadisə
1970
20 Fevral , 2019 10:55
Azərbaycan sərhədini qanunsuz keçərək külli miqdarda narkotik gətirən şəxs tutulub

Bakı. 20 fevral. REPORT.AZ/ Son günlərdə dövlət sərhədinin etibarlı mühafizəsi, narkotik vasitələrin və psixotrop maddələrin qanunsuz dövriyyəsinə qarşı mübarizə sahəsində Dövlət Sərhəd Xidməti tərəfindən bir sıra uğurlu əməliyyatlarlar keçirilib, narkotik vasitələrin dövlət sərhədindən qeyri-qanuni gətirilməsi cəhdinin qarşısı alınıb. 

Bu barədə "Report"a DSX-nin mətbuat xidmətindən məlumat verilib.

Məlumatda bildirilib ki, 7 fevral tarixində Dövlət Sərhəd Xidmətinin Sərhəd Qoşun­larının “Göytəpə” sərhəd dəstəsinin xidməti ərazisində həyata ke­çirilmiş əməliyyat-axtarış tədbirləri nəticəsində Yardımlı rayonu­nun ərazisində dövlət sərhədindən narkotik vasitələrin qeyri-qa­nuni gətirilməsi cəhdinin qarşısı alınarkən Masallı rayon sakini 1994-cü il təvəllüdlü Nəzirli Cavad Fikrət oğlu saxlanılıb. Saxlanılan şəxsin üzərinə baxış keçirilərkən 1 kq 720 qr “heroin”, 2763 manat və 3 ədəd mobil telefon aşkar olu­naraq götürül­üb. Həmin cinayətin digər iştirakçısı təqibdən yayınaraq meşə massivində gizlənməyə müvəffəq olub. Qeyd olunan şəxsin müəyyənləşdirilməsi istiqamətində əməliyyat-istintaq tədbirləri davam etdirilir.

Fevralın 18-də Dövlət Sərhəd Xidmətinin Sahil Müha­fizəsinin Lənkəran rayonunun Vel kəndinin ərazisində xidmət apa­ran sahil nəzarət bölməsinin əməkdaşları tərəfindən sahildə kolluq­ların arasında gizlədilmiş halda 1 kq 85 qr “heroin” aşkarlanaraq götü­rülüb.

Qeyd olunan faktlar üzrə müvafiq əməliyyat-istintaq tədbirləri davam etdirilir.

Son xəbərlər

Orphus sistemi