İpoteka və Kredit Zəmanət Fondu daha 20 mln. manat cəlb edir

Bakı. 1 may. REPORT.AZ/ Maliyyə Bazarlarına Nəzarət Palatası İpoteka və Kredit Zəmanət Fondunun adlı, sənədsiz, faizli ipoteka istiqrazlarının baza emissiya prospektini dövlət qeydiyyatına alıb. 

"Report" Fonda istinadən xəbər verir ki, emissiyanın ümumi məbləği 20 mln. manat, bir istiqrazın nominal dəyəri 1 000 manat, istiqraz üzrə faiz dərəcəsi 3% təşkil edir. 

Baza emissiya prospektinə əsasən, yerləşdirmə kütləvi təklif üsulu ilə “Bakı Fond Birjası” QSC vasitəsi ilə keçiriləcək. Depozitari və Sərəncamçı xidmətlərini Milli Depozit Mərkəzi göstərəcək.