İmişlidə yol qəzası zamanı sürücü xəsarət alıb

İmişli. 15 dekabr. REPORT.AZ/ İmişli şəhərində baş vermiş yol-nəqliyyat hadisəsi zamanı sürücü xəsarət alıb.

“Report”un Mil-Muğan bürosunun məlumatına görə, 1981-ci il təvəllüdlü yerli sakin Hüseynov Elnur Hüseynbaba oğlu sərxoş vəziyyətdə idarə etdiyi "VAZ-2106" markalı avtomobili divara çırpıb.

Nəticədə sürücü müxtəlif xəsarətlərlə İmişli Rayon Xəstəxanasına yerləşdirilib.

Faktla bağlı araşdırma aparılır.

Bundan əvvəl Şəkidə yol qəzası baş verib.