Yuxarı

İmişlidə reyd zamanı 27 sürücü cərimələnib

Reyd zamanı polis əməkdaşlarından qaçmağa çalışan sürücülər də olub

Bakı. 19 oktyabr. REPORT.AZ/ İmişli rayonunda keçirilən reyd zamanı qayda pozuntusuna yol verən sürücülər cərimələnib.

"Report" xəbər verir ki, İmişli rayon Polis Şöbəsinin Dövlət Yol Polisi bölməsi və Post Patrul Xidməti əməkdaşlarının birgə keçirdiyi reyd zamanı şəhərin müxtəlif küçələrində postlar qurulub.

Reyddə avtomobillərində konstruksiya dəyişikliyi edən, sürücülük vəsiqəsi olmadan maşın sürən, eləcə də yol hərəkəti qaydalarını pozan sürücülər saxlanılıb. Hətta reyd zamanı polis əməkdaşlarından qaçmağa çalışan sürücülər də olub.

Keçirilən reyd zamanı 27 sürücü barəsində inzibati qaydada protokol tərtib edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi