Yuxarı
    Bağlamaq

    İmişlidə iki avtomobil toqquşub, 8 nəfər xəsarət alıb - ƏLAVƏ OLUNUB

    Yaralılardan 5 nəfəri qadındır© Report.az

    İmişli. 27 dekabr. REPORT.AZ/ İmişlidə 8 nəfərin xəsarət alması ilə nəticələnən yol qəzası baş verib.

    “Report”un Aran bürosu xəbər verir ki, hadisə axşam saatlarında rayonun "Dördyol" adlanan ərazisində qeydə alınıb.

    Belə ki, İmişlidə məskunlaşan Füzuli sakini, 58 yaşlı Fərmail Əlheydər oğlu Qasımovun idarə etdiyi “VAZ-2106” markalı avtomobillə İmişli sakini, 34 yaşlı Yengibar Yadigar oğlu Abışovun idarə etdiyi “VAZ-2107” markalı avtomobil toqquşub. Nəticədə hər iki avtomobilin sürücüsü, “VAZ-2106”da olan Füzuli sakinləri - 53 yaşlı Elmira Adışirin qızı Cəfərova, bacısı, 45 yaşlı Züleyxa Cəfərova, 14 yaşlı Bəsti Elxan qızı Cəfərova, 12 yaşlı Elşad Elxan oğlu Cəfərov, 28 yaşlı Gülnar Cəfər qızı Əliyeva və Dərya Pərviz qızı Quliyeva müxtəlif dərəcəli bədən xəsarətləri alıb. Xəsarət alanlar İmişli Rayon Mərkəzi Xəstəxanasına çatdırılıb.

    Əldə etdiyimiz məlumata görə, “VAZ-2106”nın sürücüsünün vəziyyəti ağır olduğundan xəstəxanaya yerləşdirilib, qalan xəstələr ilkin tibbi yardım göstərildikdən sonra evə buraxılıb.

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi