Yuxarı
    Bağlamaq

    ​İmişlidə avtomobil elektrik dirəyinə çırpılıb, sürücü xəsarət alıb

    Hadisə bu gün axşam Heydər Əliyev prospektində qeydə alınıb

    Bakı. 04 may. REPORT. AZ / İmişli rayonunda 1 nəfərin xəsarət alması ilə nəticələnən yol qəzası baş verib. “Report” xəbər verir ki, hadisə bu gün axşam saatlarında İmişli şəhəri Heydər Əliyev prospektində qeydə alınıb. Belə ki, rayonun Meliorator qəsəbəsinin sakini, 25 yaşlı Elçin Razi oğlu Cəfərov idarə etdiyi “Jiquli” markalı avtomobillə prospektdə hərəkətdə olarkən anidən idarəetməni itirib.

    Nəticədə avtomobil yolun kənarındakı elektrik dirəyinə çırpılıb. Hadisə zamanı müxtəlif dərəcəli bədən xəsarətləri alan sürücü İmişli Rayon Mərkəzi Xəstəxanasına çatdırılıb. Xəstəxanada ilk tibbi yardım göstərildikdən sonra o, travmatologiya şöbəsinə yerləşdirilib.

    Faktla bağlı İmişli rayon Polis şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi