Yuxarı
    Bağlamaq

    ​İlhamə Quliyevanın sabiq köməkçisinin həyat yoldaşı baş prokurorla görüşüb

    Zakir Qaralov Mehriban Hüseynovanın işinin araşdırılıb, məhkəməyə göndəriləcəyini deyib

    Bakı. 30 aprel. REPORT.AZ/ Mərhum xalq artisti İlhamə Quliyevanın sabiq köməkçisi Mehriban Hüseynovanın həyat yoldaşı Tofiq Hüseynov baş prokuror Zakir Qaralovla görüşüb.

    Bu barədə "Report"a M.Hüseynovanın vəkili Vasif Mirzəyev məlumat verib.

    Vəkilin sözlərinə görə, görüş zamanı Z.Qaralov M.Hüseynovanın işinin araşdırılıb, məhkəməyə göndəriləcəyini deyib.

    Qeyd edək ki, xalq artisti İ.Quliyevanın sabiq köməkçisi M.Hüseynova 2015-ci il oktyabr ayının 21-də həbs edilib. Onun barəsində Cinayət Məcəlləsinin 29,180.3.2-ci (soyğunçuluğa cəhd, zərərçəkmiş şəxsə külli miqdarda ziyan vurmaqla törədildikdə) maddəsi ilə cinayət işi başlanıb. 2016-cı il fevral ayının 13-də Səbail Rayon Məhkəməsində M.Hüseynova barəsində seçilmiş həbs qətimkan tədbirinin müddəti üç ay uzadılıb.

    Xatırladaq ki, İ.Quliyeva 2016-cı il fevral ayının 25-də səhər saatlarında 73 yaşında dünyasını dəyişib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi