“Məhkəmələrə verilən şikayətlərdə daha çox pozuntu kimi istinad olunan hallardan biri ondan ibarətdir ki, şikayətə baxılarkən şikayəti vermiş şəxslərin iştirakı təmin edilmir. Ona görə də mühüm konstitusion hüquqlardan biri olduğu nəzərə alınmaqla ona əməl olunması yuxarı seçki komissiyaları tərəfindən təmin olunmalıdır”.
“Report” xəbər verir ki, bu fikirləri
Onun sözlərinə görə, əsas məsələlərdən biri vətəndaşların seçki hüquqlarının pozulması ilə bağlı şikayətlərin istər müvafiq yuxarı seçki komissiyalarında, istərsə də məhkəmələrdə araşdırılması ilə bağlıdır: “Şikayət vermiş şəxsin şikayətin baxılmasında iştirakının təmin edilməsi və onun irəli sürdüyü bütün dəlillərin araşdırılması məsələsidir. Aydındır ki, şəxsin özünün şikayətinə baxılmasında iştirak etmək hüququ ən təməl hüquqlardan biri olmaqla təmin edilməlidir”.
H.Mirzəyev bildirib ki, seçki prosesini həyata keçirən orqanların fəaliyyəti vətəndaşların hüquqlarının təmin edilməsinə yönəlməlidir: “Müvafiq olaraq, sözügedən bütün hallarla bağlı vətəndaşların güman etdikləri hüquqlarının pozuntusuna dair işlər üzrə məhkəmədə mübahisə açılması mümkündür. Seçki Məcəlləsinin 112.1-ci maddəsində təsbit edilmişdir ki, seçki hüquqlarını pozan qərar və hərəkətlərdən (hərəkətsizlikdən) şikayət verilə bilər. Eyni zamanda qanunvericilikdə həmçinin təsbit edilib ki, şikayət əvvəlcə yuxarı seçki komissiyalarına, daha sonra isə məhkəməyə verilə bilər. Bununla qanunverici aşağı seçki komissiyalarında yol verilmiş pozuntuların məhkəməyə gəlmədən yuxarı seçki komissiyaları tərəfindən aradan qaldırılması üçün imkan yaratmış olur. Bu isə o deməkdir ki, yuxarı seçki komissiyaları şikayətlərə formal yanaşmamalı, onun hərtərəfli araşdırmasını aparmaqla və bütün zəruri sübutları toplamaqla qanuni və əsaslandırılmış qərar qəbul etməlidirlər”.