Həssas təbəqədən olan ailələr sosial izolyasiya tədbirləri haqqında məlumatlandırılır

Həssas təbəqədən olan ailələr sosial izolyasiya tədbirləri haqqında məlumatlandırılır Ailə, Qadın və Uşaq Problemləri üzrə Dövlət Komitəsi #Evdəqal kampaniyası çərçivəsində icmada yaşayan həssas təbəqədən olan ailələr üçün sosial izolyasiya tədbirləri haqqında məlumatlandırma aksiyasını keçirir.
Hadisə
745
23 Mart , 2020 13:34
Həssas təbəqədən olan ailələr sosial izolyasiya tədbirləri haqqında məlumatlandırılır

Ailə, Qadın və Uşaq Problemləri üzrə Dövlət Komitəsi #Evdəqal kampaniyası çərçivəsində icmada yaşayan həssas təbəqədən olan ailələr üçün sosial izolyasiya tədbirləri haqqında məlumatlandırma aksiyasını keçirir.

Dövlət Komitəsindən "Report"a bildirilib ki, mart 23-dən qurumun Uşaq və Ailələrə Dəstək Mərkəzlərinin əməkdaşları həssas təbəqədən olan ailələrə koronavirus (COVİD-19) pandemiyası ilə əlaqədar Azərbaycan hökumətinin fəaliyyəti haqqında məlumatları təqdim edirlər.

Həmçinin Nazirlər Kabineti yanında operativ qərargahın qəbul etdiyi qərarlarla tətbiq olunan preventiv və müdafiə xarakterli sosial izolyasiya tədbirlərinin mahiyyəti və yerinə yetirilməsinin vacibliyi onlara izah olunur.

Dövlət Komitəsinin #evdəqal kampaniyasına qoşulmasının əsas məqsədi "Sağlam Ailə = Sağlam Gələcək" devizi altında Azərbaycan hökuməti və Ümumdünya Səhiyyə Təşkilatı tərəfindən qəbul edilən sosial izolyasiya qaydalarına əməl edilməsinə töhfə verməkdir.

Son xəbərlər

Orphus sistemi