Yuxarı

Yevlaxda həmkəndlisinə xəsarət yetirən şəxsin cinayət işi məhkəməyə göndərilib

Həmkəndlisinə xəsarət yetirən şəxsin cinayət işi məhkəməyə göndərildi

Yevlaxda həmkəndlisinə xəsarət yetirməkdə təqsirləndirilən Zəkəriyyə Kərimovun cinayət işi üzrə ibtidai istintaq başa çatıb.

"Report"un xəbərinə görə, Yevlax Rayon Polis Şöbəsinin İstintaq Bölməsində araşdırılan cinayət işi baxılması üçün Şəki Ağır Cinayətlər Məhkəməsinə göndərilib.

Hakim Nahid Mirzəyevin icraatına verilən iş üzrə hazırlıq iclası iyunun 25-də keçiriləcək.

Qeyd edək ki, hadisə bu il fevralın 26-sı axşam saat 10 radələrində Yevlax rayonu Yuxarı Qarxun kəndi ərazisində baş verib.

Kənd sakini Elnur Məmmədov kəsilmiş-deşilmiş yaralarla rayon Mərkəzi Xəstəxanasının reanimasiya şöbəsinə yerləşdirilib.

Yevlax Rayon Polis Şöbəsinin əməliyyat-axtarış tədbirləri nəticəsində münaqişə zəminində həmkəndlisinə xəsarət yetirməkdə şübhəli bilinən Zəkəriyyə Kərimov saxlanılaraq istintaqa təhvil verilib. Dindirilmə zamanı o törətdiyi cinayət əməlini etiraf edib.

Z.Kərimova Cinayət Məcəlləsinin 126.1 (qəsdən sağlamlığa ağır zərər vurma) maddəsi ilə ittiham verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi