Helikopter qəzası ilə bağlı cinayət işi açılıb, Baş prokuror hadisəni xüsusi nəzarətə götürüb

Helikopter qəzası ilə bağlı cinayət işi açılıb, Baş prokuror hadisəni xüsusi nəzarətə götürüb Xəbər verildiyi kimi, Dövlət Sərhəd Xidmətinin hərbi helikopterinin Xızı rayonu ərazisində qəzaya uğramışdır. Hadisə nəticəsində 14 nəfər həlak olmuş 2 nəfər xəsarət almışdır. Baş Prokurorluğun rəhbərliyinin iştirakı ilə hadisə yerinə baxış keçirilmişd
Hadisə
1947
30 Noyabr , 2021 16:21
Helikopter qəzası ilə bağlı cinayət işi açılıb, Baş prokuror hadisəni xüsusi nəzarətə götürüb

Dövlət Sərhəd Xidmətinin (DSX) hərbi helikopterinin qəzaya düşməsi ilə bağlı cinayət işi açılıb.

Bu barədə "Report"a Baş Prokurorluğun Mətbuat Xidmətindən məlumat verilib.

Bildirilib ki, hadisə nəticəsində 14 nəfər həlak olub, 2 nəfər xəsarət alıb.

Baş Prokurorluğun rəhbərliyinin iştirakı ilə hadisə yerinə baxış keçirilib.

Faktla bağlı Baş Prokurorluğun İstintaq idarəsində Cinayət Məcəlləsinin 352.2 (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanıb, cinayət işinin istintaqı Baş prokuror tərəfindən xüsusi nəzarətə götürülüb.

Hazırda hadisə yerində olan prokurorluq əməkdaşları tərəfindən intensiv istintaq hərəkətləri həyata keçirilir.

Son xəbərlər

Orphus sistemi