Hacıqabulda avtomobil qəzası baş verib - VİDEO

Hacıqabulda avtomobil qəzası baş verib.

"Report"un Yuxarı Şirvan bürosu xəbər verir ki, hadisə rayonun Hacı Zeynəlabidin Tağıyev küçəsində qeydə alınıb.

Sürücü Əmiraslanov Elsəvərin idarə etdiyi "VAZ-2107" markalı avtomaşınla sürücü Əzizov Hüseynağanın idarə etdiyi "Mersedes" markalı avtomaşın toqquşub. Hadisə zamanı xəsarət alan olmasa da, avtomobillərə ciddi ziyan dəyib.

Faktla bağlı araşdırma aparılır.