Hacıqabul. 14 yanvar. REPORT.AZ/ Hacıqabulda 1 nəfərin ölümü, 2 nəfərin yaralanması ilə nəticələnən yol qəzası baş verib.
“Report”un Aran bürosu xəbər verir ki, hadisə rayonun Padar çölü deyilən ərazisində baş verib.
Bakı istiqamətində hərəkətdə olan “Pajero” markalı avtomobil anidən idarəetməni itirərək aşıb. Nəticədə 1 nəfər ölüb, 2 nəfər yaralanıb. Yaralılardan biri - Ağstafa rayon sakini Qabil Bayram oğlu Quliyev ağır kəllə-beyin travması ilə Kürdəmir Rayon Mərkəzi Xəstəxanasına çatdırılıb. Onun vəziyyətinin ağır olduğu bildirilir.
Faktla bağlı araşdırma aparılır.