"Günəşli" yatağındakı 10 saylı stasionar dəniz özülü ilə bağlı son durum açıqlanıb

Bakı. 6 dekabr. REPORT.AZ/ "Saat 23:00-a olan məlumata görə, axtarılanların heç birinin tapılması ilə bağlı məlumat daxil olmayıb".

"Report" xəbər verir ki, bunu keçirdiyi brifinqdə SOCAR-ın "Azneft" İstehsalat Birliyinin rəis müavini Balamirzə Rəhimov bildirib.

O, axtarışların davam etdiriləcəyini deyib.

Şirkət rəsmisi bildirib ki, hazırda 5 gəmi yanğını söndürmək üçün suvurmanı davam etdirir: "Biz həm də daha təzyiqli su xəttinin çəkilməsini təmin etmişik. Hazırda təmirçilər həmin xəttin birləşdirilməsi ilə məşğuldular". 

Onun sözlərinə görə, yanğın ancaq güclü su şırnağı vasitəsi ilə söndürülə bilər