Güclü külək Oğuzda bir sıra fəsadlar törədib

Güclü külək Oğuz rayonunda bir sıra fəsadlar törədib.

"Report"un Şimal-qərb bürosunun məlumatına görə, dünən axşam saatlarından etibarən Oğuz rayonunda güclü küləkli hava müşahidə olunur.

Belə ki, güclü külək nəticəsində iri gövdəli ağaclar Oğuz-Bayan avtomobil yoluna aşıb. Nəticədə nəqliyyat vasitələrinin hərəkətində məhdudiyyətlər yaranıb.

Bundan başqa, külək nəticəsində elektrik naqilləri və internet xətləri qırılıb. Hazırda rayonun bir hissəsində elektrik enerjisinin və internetin verilişində fasilələr yaranıb.

Səhər saatlarından etibarən aidiyyəti qrumların əməkdaşları fəsadların aradan qaldırılması istiqamətində işlər aparır.