Yuxarı

Göygöldə marşrut avtobusunun sürücüsü bıçaqlanıb

Göygöldə marşrut avtobusunun sürücüsü bıçaqlanıb
Elşən Mustafayev hələ ki bilinməyən səbəbdən naməlum şəxs tərəfindən bıçaqlanıb
© Courtesy İmage

Göygöl. 8 iyun. REPORT.AZ/ Gecə saatlarında Göygöl rayonunda bıçaqlanma hadisəsi baş verib.

"Report"un Qərb bürosunun məlumatına görə, naməlum şəxs Göygöl rayon sakini, 1996-ci il təvəllüdlü Mustafayev Elşən Zirəddin oğluna hələ ki bilinməyən səbəbdən bıçaq xəsarəti yetirib. Nəticədə o, üzündən və boğazından bıçaq xəsarətləri alıb.

Yaralı Gəncə Şəhər Təcili Tibbi Yardım Xəstəxanasına aparılıb. Həkimlər tərəfindən əməliyyat edilən E.Mustafayevin vəziyyətinin orta-ağır olduğu bildirilir. Məlumata görə, E.Mustafayev Göygöl rayonundakı marşrut avtobuslarından birində sürücü işləyir.

Faktla bağlı Göygöl Rayon Polis Şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi