Göyçayda zəncirvari yol-nəqliyyat hadisəsi baş verib, xəsarət alan var.
"Report"un Yuxarı Şirvan bürosu xəbər verir ki, hadisə rayonun Natavan küçəsində qeydə alınıb.
Belə ki, "Ford", "Chevrolet" və "VAZ-2107" markalı avtomobillərin toqquşması nəticəsində bir nəfər rayon sakini müxtəlif dərəcəli bədən xəsarəti alıb.
Yaralı dərhal Göyçay Rayon Mərkəzi Xəstəxanasına aparılıb.
Faktla bağlı araşdırma aparılır.