Göyçayda piyadanı maşın vuraraq öldürüb - FOTO - YENİLƏNİB

Göyçay rayonunda baş verən yol-nəqliyyat hadisəsi zamanı ölən piyadının şəxsiyyəti məlum olub.

"Report"un yerli məlumatına görə, 56 yaşlı Əhmədov Əli İsa oğlunu "VAZ-21099" minik avtomobili vurub.

Xəsarət alan piyada hadisə yerində keçinib. Onun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Göyçay rayon şöbəsinə yerləşdirilib. 

Faktla bağlı araşdırma aparılır.

***22:12

Göyçay şəhərində piyadanın vurulması ilə nəticələnən yol qəzası baş verib.

"Report"un Şirvan bürosunun məlumatına görə, axşam saat 21:30 radələrində Nizami küçəsində yolu keçmək istəyən naməlum kişini maşın vurub. 

Hadisə yerinə hüquq mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub.

Ölən şəxsin kimliyi dəqiqləşdirlir.