Goranboyda sürücü törətdiyi qəzada öldü

Goranboy rayonunda ölümlə nəticələnən avtomobil qəzası olub.

"Report"un Qərb Mərkəzinin məlumatına görə, hadisə rayonun Səfikürd kəndi ərazisində qeydə alınıb.

"VAZ-2106" markalı avtomobil idarəetmədən çıxaraq yol kənarına aşıb. Nəticədə nəqliyyat vasitəsinin sürücüsü,1961-ci il təvəllüdlü Həsənov Nazim Məhəmməd oğlu hadisə yerində dünyasını dəyişib.

Faktla bağlı araşdırma aparılır.