Goranboyda bir ailənin 4 üzvü qidadan zəhərlənib

Bakı. 15 fevral. REPORT.AZ/ Goranboy rayonunda bir ailənin 4 üzvü qidadan zəhərlənib. “Report” xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb.

Məlumata görə, fevralın 15-də Goranboy şəhərində yaşayan Mahir Əmrahov, arvadı Esmira, oğlanları Ayxan və Ərxan qidadan zəhərlənmə ilə xəstəxanaya gətirilib, vəziyyətləri qənaətbəxşdir.

Faktla bağlı araşdırma aparılır.