Goranboyda avtomobil qəzası olub, xəsarət alanlar var

Goranboyda 4 nəfərin xəsarət alması ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, avtomobilin maneəyə çırpılması nəticəsində 4 nəfər - 1989-cu il təvəllüdlü E.Abdullayev, E.Musayev, 1988-ci il təvəllüdlü C.Hüseynov və 1996-cı il təvəllüdlü N.Məmmədli xəsarət alıblar.

Yaralılar xəstəxanaya aparılıb.

Onlardan ikisinin vəziyyəti qənaətbəxş, digərlərinin vəziyyəti isə kafi qiymətləndirilir.

Faktla bağlı araşdırma aparılır.