Goranboy. 31 avqust. REPORT.AZ/ Goranboyda 1 nəfərin xəsarət alması ilə nəticələnən yol qəzası baş verib.
"Report"un Qərb bürosunun məlumatına görə, hadisə rayonun Balakürd kəndində qeydə alınıb.
Belə ki, idarəetmədən çıxan "VAZ-21015" markalı avtomobil mağazaya çırpılıb. Qəza zamanı mağazada olan Nail Sabir oğlu Əliyev xəsarət alıb.
Yaralı xəstəxanaya yerləşdirilib. Onun vəziyyətinin qənaətbəxş olduğu bildirilir.
Faktla bağlı araşdırma aparılır.