Goranboyda 51 yaşlı kişi qətlə yetirilib - FOTO - YENİLƏNİB

Goranboy. 12 mart. REPORT.AZ/ Goranboy rayonunun Qaraçinar kəndində 51 yaşlı kişi qətlə yetirilib.

"Report"un Qərb bürosu xəbər verir ki, Kəlbəcər sakini olan Mübariz Məmmədovun meyiti gecə saatlarında aşkar edilib.

Yaxınları onun ölüm xəbərindən telefon vasitəsi ilə xəbər tutublar. Bildirilib ki, M.Məmmədovun meyiti Goranboy rayon Xəstəxanasının Məhkəmə-Tibbi Ekspertiza və Patoloji Anatomiya Birliyinin meyitxanasına yerləşdirilib.

Qətli mərhumun yaxın qohumu olan 46 yaşlı Kəlbəcər sakini Natiq Qafarov törədib. Bir yerdə fəhləlik edən qohumlar arasında yeyib-içdikdən sonra mübahisə düşüb və hadisə ondan sonra baş verib.