Giləzi qəsəbəsi ərazisində hərbi sursat aşkar edilib.
Bu barədə "Report"a Fövqəladə Hallar Nazirliyindən məlumat verilib.
Bildirilib ki, bununla əlaqədar FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatın döyüş tətbiqinə yararlı 125 mm-lik 40 ədəd OF26 tank, 120 mm-lik 1 ədəd minaatan və 100 mm-lik 1 ədəd top mərmisi olduğu müəyyən edilib.
Sursat XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
![](https://static.report.az/photo/20992fcf-9274-3e74-bfff-905415acb52a_300.jpg)
![](https://static.report.az/photo/37f91bfb-b52e-3a06-81f2-c43678cf13af_300.jpg)
![](https://static.report.az/photo/72b5ee02-0d14-36d4-a0ab-9c7af16e4f08_300.jpg)
![](https://static.report.az/photo/ad50007f-2d46-39e4-8453-95a20c0e9921_300.jpg)
![](https://static.report.az/photo/0b0b96c6-9c25-3415-800e-231900468fc8_300.jpg)