Gəncədə zəncivari qəza baş verib, 3 avtomobilə ziyan dəyib

Gəncə. 24 avqust. REPORT.AZ/ Gəncədə zəncirvari qəza baş verib.

Gəncə şəhər Dövlət Yol Polisi İdarəsindən “Report”un Qərb bürosuna verilən məlumata görə, hadisə şəhərin Atatürk prospektində qeydə alınıb. 

Gəncə sakini Rəşid Abbasovun idarə etdiyi "Mitsubishi Pajero" markalı avtomobil hərəkətdə olarkən sürücü idarəetməni itirib və Ruslan Cəfərova məxsus "Hyundai Elantra" markalı avtomobilə arxadan çırpılıb. Zərbənin gücündən “Hyundai Elantra” əks tərəfdən gələn "Chevrolet" markalı avtobillə toqquşub. 

Qəza nəticəsində ciddi xəsarət alan olmasa da hər 3 avtomobilə ziyan dəyib. 

Faktla bağlı Gəncə şəhər Dövlət Yol Polisi İdarəsində araşdırma aparılır.