Gürcüstanda baş verən zəlzələ Azərbaycanda da hiss olunub

Gürcüstanda baş verən zəlzələ Azərbaycanın Qərb rayonlarında da hiss olunub.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən "Report"a verilən məlumata görə, yerli vaxtla saat 22:25-də qeydə alınan zəlzələnin ocağı 10 kilometr dərinlikdə yerləşib.

Zəlzələnin maqnitudası 5,9 olduğu üçün yeraltı təkanlar Azərbaycanın sərhəd rayonlarında da 3-4 bala qədər hiss edilib.

Azərbaycanda yeraltı təkanlar hiss edilib.

"Report"un Qərb bürosunun məlumatına görə, yeraltı təkanlar daha çox Gəncə şəhərində hiss olunub.

Zəlzələ Gəncə ilə yanaşı, Qazax, Tovuz, Ağstafa, Şəmkir, Daşkəsən və digər şəhərlərdə, habelə Mərkəzi Aran rayonlarında, şimal-qərb bölgəsində də hiss edilib.