Gəncədə yolu keçmək istəyən 2 qadını avtomobil vurub

Gəncədə yolu keçmək istəyən 2 qadını avtomobil vurub Hər iki yaralının vəziyyəti qənaətbəxş hesab olunur
Hadisə
25 Mart , 2018 20:54
Gəncədə yolu keçmək istəyən 2 qadını avtomobil vurub

Gəncə. 25 mart. REPORT.AZ/ Gəncə şəhərində 2 piyadanın vurulması ilə nəticələnən yol-nəqliyyat hadisəsi baş verib.

"Report"un Qərb bürosunun məlumatına görə, şəhərin Şah İsmayıl Xatai prospektində yolu keçmək istəyən 2 qadını avtomobil vurub.

Müxtəlif xəsarətlər alan 1989-cu il təvəllüdlü Gülnar Əliyeva və 1975-ci il təvəllüdlü Rüxsarə Nəsibova xəstəxanaya çatdırılıb.

Hər iki yaralının vəziyyəti qənaətbəxş hesab olunur və ilkin tibbi yardım göstərildikdən sonra onlar ambulator müalicəyə buraxılacaqlar.

Faktla bağlı araşdırma aparılır.

Orphus sistemi