Yuxarı
    Bağlamaq

    Göygöldə yol qəzası baş verib, xəsarət alanlar var

    Faktla bağlı araşdırma aparılır© Report.az

    Bakı. 13 iyun. REPORT.AZ/ Göygöl rayonunda yol-nəqliyyat hadisəsi baş verib. 

    "Report"un Qərb bürosunun verdiyi məlumata görə, Bakı-Qazax avtomobil yolunun Göygöl rayonu ərazisində qeydə alınıb. 

    Belə ki, 1980-ci il təvəllüdlü Goranboy rayon sakini Saday Əşrəf oğlu Allahverdiyev idarə etdiyi "QAZ-2124" markalı avtomobillə hərəkətdə olarkən qarşı tərəfdən gələn digər avtomobilə, daha sonra isə yol ayırıcı maneəyə çırpılıb. Nəticədə onun özü ağır, avtomobildə olan həyat yoldaşı isə yüngül xəsarət alıb. Digər avtomobildə isə xəsarət alan olmayıb. Yaralı Gəncə şəhər Təcili Tibbi Yardım Xəstəxanasına yerləşdirilib. 

    Xəstəxanadan "Report"un yerli bürosuna verilən məlumata görə, S.Allahverdiyevin bir ayağı sınıb və bədənin müxtəlif dərəcəli yaraları var. Hazırda travmatologiya şöbəsində olan yaralının vəziyyəti orta-ağır qiymətləndirilir.

    Faktla bağlı araşdırma aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi