Yuxarı

Gəncədə iki nəfərin yaralanması ilə nəticələnən yol-nəqliyyat hadisəsi baş verib - FOTOLAR

Faktla bağlı araşdırma aparılır

Bakı. 22 dekabr. REPORT.AZ/ Gəncə şəhərində yol-nəqliyyat hadisəsi baş verib. "Report"un məlumatına görə,  Heydər Əliyev prospekti ilə Ruzigar Qasımov küçəsinin kəsişməsində baş verən qəzada 2 nəfər yaralanıb. Şəhər sakini Elçin Heydərov idarə etdiyi "Mercedes" markalı avtomobillə, sözü gedən prospektlə üzü dəmiryol vağzalı istiqamətində hərəkətdə olarkən qarşısına çıxan, İlkin Kərimovun idarə etdiyi "Vaz 2106" markalı maşınla toqquşub. Zərbənin təsirindən avtomobillər yararsız hala düşüb. Qəza nəticəsində hər iki avtomobildə olan sərnişinlər xəsarət alıb. Yaralılar dərhal Gəncə şəhər Təcili Tibbi Yardım  Xəstəxanasına çatdırılıblar. İlkin ehtimallara görə qəza havanın dumanlı olması səbəsindan baş verib. Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi