Gəncədə taksi sürücüsünə bıçaqla xəsarət yetirməkdə şübhəli bilinən şəxs saxlanılıb - YENİLƏNİB

Gəncə şəhərində taksi sürücüsünə bıçaqla xəsarət yetirməkdə şübhəli bilinən şəxs saxlanılıb.

"Report"un Qərb bürosunun məlumatına görə, Gəncə Şəhər Baş Polis İdarəsinin əməkdaşlarının keçirdikləri müvafiq tədbirlər nəticəsində şəhər sakini C.Həsənova kəsici-deşici alətlə xəsarət yetirməkdə şübhəli bilinən şəhər sakini, əvvəllər məhkum olunmuş, 1980-ci il təvəllüdlü Azər İsgəndərov saxlanılaraq istintaqa təhvil verilib.

Faktla bağlı araşdırma aparılır.

Gəncə şəhərində bıçaqlanma hadisəsi olub.

"Report"un Qərb bürosunun məlumatına görə, şəhər ərazisində 1991-ci il təvəllüdlü C.Həsənov mübahisə zəminində bıçaq xəsarəti alıb.

O, 3 bıçaq xəsarəti ilə xəstəxanaya çatdırılıb.

Zərərçəkənin taksi sürücüsü olduğu bildirilir.

Faktla bağlı araşdırma aparılır.