Gəncədə qayın yeznəsini bıçaqlayıb

Gəncə. 3 iyun. REPORT.AZ/ Gəncə şəhərində bıçaqlanma olub.

"Report"un Qərb bürosunun məlumatına görə, 1983-cü il təvəllüdlü Gəncə şəhər sakini Seymur Quluzadə qaynı tərəfindən bıçaqlanaraq ağır xəsarət alıb.

Dörd bıçaq yarası alan S.Quluzadə öncə Gəncə şəhər Təcili Tibbi Yardım Xəstəxanasınasına aparılıb. Orada ilkin yardım aldıqdan sonra o, özəl xəstəxanaların birinə göndərilib.

Faktla bağlı araşdırma aparılır.