Gəncədə intihar edən qadının axtarışda olduğu məlum olub - YENİLƏNİB-2

Gəncə şəhərində intihar edən Pərvanə Hüseynova axtarışda olduğu məlum olub

Bu barədə "Report"un Qərb bürosu xəbər verir.

Məlumata görə, özünü 7-ci mərtəbədən ataraq ölən Pərvanə Hüseynova Cinayət Məcəlləsinin 326.2-ci (dənizçinin şəxsiyyət sənədini, vətəndaşın şəxsiyyət vəsiqəsini, pasportunu və ya digər mühüm şəxsi sənədini oğurlama) maddəsi ilə Gəncə şəhər Probasiya Şöbəsi tərəfindən axtarışda olub.

P.Hüseynova əvvəllər də Cinayət Məcəlləsinin 177-ci (oğurluq) maddəsi ilə mühakimə edilib və həbsdə olub.

00.33

Gəncə şəhərində 9 mərtəbəli binanın 7-ci mərtəbəsindən özünü ataraq ölən qadının şəxsiyyəti dəqiqləşib.

“Report”un Qərb bürosunun məlumatına görə, həmin şəxs Daşkəsən rayon sakini, 1982-ci il təvəllüdlü Pərvanə Maarif qızı Hüseynovadır.

Onun həmin ünvanda kirayədə yaşadığı bildirilir.

Hadisənin başvermə səbəbləri hələ məlum deyil.

Faktla bağlı araşdırma aparılır.

2023-06-04 23:45

Gəncə şəhərində yerli sakin özünü binadan atıb.

"Report"un Qərb bürosunun məlumatına görə, hadisə şəhərin 3-cü mikrorayon ərazisində qeydə alınıb.

Doqquz mərtəbəli binanın 7-ci mərtəbəsindən özünü atan qadının şəxsiyyəti dəqiqləşdirilir.

Qeyd olunub ki, qadın hadisə yerində keçinib.

Faktla bağlı araşdırma aparılır.