Gəncədə küləkli hava şəraiti nəticəsində iri gövdəli ağac avtomobilin üzərinə aşıb.
"Report"un Qərb bürosunun məlumatına görə, şəhərdə əsən külək nəticəsində Yeni Gəncə qəsəbəsində iri gövdəli ağac "VAZ-2106" markalı avtomobilin üzərinə aşıb.
Nəticədə minik avtomobilinə ciddi zərər dəyib. Ağacın aşması nəticəsində həmçinin yaxınlıqda olan idman zalının şüşələri sınıb.
Hadisə yerinə aidiyyəti qurumların nümayəndələri cəlb olunub.