Gəncədə evdə yanğın olub, bir nəfər ölüb

Gəncə şəhərində evdə yanğın olub, bir nəfər ölüb.

"Report"un Qərb bürosunun məlumatına görə, hadisə şəhərin Natavan qəsəbəsində qeydə alınıb.

Fövqəladə Hallar Nazirliyinin (FHN) yanğınsöndürmə briqadası hadisə yerinə cəlb olunub.

Məlumata görə, ümumi sahəsi 15 kvadratmetr olan bir otaqlı ev içərisindəki əşyalarla birlikdə yanıb. Hadisə nəticəsində 1947-ci il təvəllüdlü Nadiyanova Tatyana Vasilyevna ölüb.

Faktla bağlı araşdırma aparılır.