Gəncədə 6 avtomobilin iştirakı ilə zəncirvari qəza olub

Gəncədə 6 avtomobilin iştirakı ilə zəncirvari qəza olub.

"Report"un Qərb bürosunun məlumatına görə, hadisə şəhərin Nizami Gəncəvi prospektində qeydə alınıb.

Belə ki, iki avtomobil ötüşən zaman biri idarəetmədən çıxaraq digər nəqliyyat vasitəsinə çırpılıb və zəncirvari avtomobil qəzasına səbəb olub.

Hadisə zamanı bütün avtomobillərə ziyan dəyib, xəsarət alan olmayıb.

Faktla bağlı araşdırma aparılır.