Yuxarı
    Bağlamaq

    Gəncə sakini həmyerlisini tüfənglə vurub

    ​Faktla bağlı cinayət işi açılıb, araşdırmalar davam etdirilir

    Bakı. 20 oktyabr. REPORT.AZ/ Gəncə şəhər sakini həmyerlisinə tüfəngdən atəş açaraq  xəsarət yetirib. "Report"un Qərb bürosunun məlumatına görə, hadisə oktyabrın 17-də şəhərin Nizami rayonu ərazisində qeydə alınıb.
    Belə ki, şəhər sakini Röyal İsmayılov həmyerlisi Mətləb Həsənzadəyə tüfənglə atəş açaraq ona xəsarət yetirib. 
    Nizami (Gəncə) Rayon Polis İdarəsinin (RPİ) əməkdaşları tərəfindən həyata keçirilən əməliyyat-axtarış tədbirləri nəticəsində R.İsmayılov saxlanılıb. Onun evinin həyətindəki yardımçı tikiliyə baxış keçirilən zaman oradan hadisəni törədərkən istifadə etdiyi, lüləsi və qundağı kəsilmiş "TOZ-16" markalı tüfəng aşkar olunaraq götürülüb.
    Faktla bağlı cinayət işi açılıb, araşdırmalar davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi