Gədəbəy. 26 avqust. REPORT.AZ/ Gədəbəy rayonunda baş verən ağır yol-nqəliyyat hadisəsi zamanı ölən və yaralanan şəxslərin adı məlum olub.
"Report"un Qərb bürosunun məlumatına görə, "VAZ" markalı avtomobilin idarəetmədən çıxaraq ağaca çırpılması nəticəsində iki nəfər - 2002-ci il təvəllüdlü Zəhmət kənd sakini Əliyev Təbriz Pənah oğlu və 1998-ci il təvəllüdlü Xarxar kənd sakini Abdullayev Samir Teymur oğlu hadisə yerində ölüb.
Avtomobildə olan 2001-ci il təvəllüdlü Rəşad Rəhimov isə müxtəlif bədən xəsarətləri alaraq xəstəxanaya yerləşdirilib.
Faktla bağlı araşdırma aparılır.
***23:42
Gədəbəy. 25 avqust. REPORT.AZ/ Gədəbəy rayonunda ölümlə nəticələnən ağır yol-nəqliyyat hadisəsi baş verib.
"Report"un yerli bürosunun məlumatına görə, hərəkətdə olan "VAZ-2106" markalı avtomobilin idarəetmədən çıxaraq yolun kənarındakı ağaca çırpılıb.
Hadisə nəticəsində avtomobildə olan şəxslərdən 2 nəfər ölüb, 1-i isə yaralanıb.
Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkim briqadası cəlb edilib.
***23:19
Gədəbəy. 25 avqust. REPORT.AZ/ Gədəbəy rayonunda ağır yol-nəqliyyat hadisəsi baş verib.
"Report"un Qərb bürosunun xəbərinə görə, hadisə rayonun Qaradağlı kəndi ərazisində qeydə alınıb.
Hadisə zamanı ölən və yaralananların olduğu bildirilir.
Faktla bağlı araşdırmalara başlanılıb.