Gədəbəydə evdən 3 300 manat pul oğurlayan şəxs tutuldu

Gədəbəy rayonunda evdə oğurluq hadisəsi baş verib.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Gədəbəy Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində noyabrın 7-də rayon ərazisindəki evlərin birindən 3 300 manat oğurlamaqda şübhəli bilinən Daşbulaq kənd sakini Ə.Ramazanov saxlanılıb.