Gədəbəydə buzlu yol avtomobil qəzasına səbəb olub, xəsarət alanlar var

Gədəbəy rayonunda avtomobil aşıb.

"Report"un Qərb bürosunun məlumatına görə, yolun buzlu olması səbəbindən minik avtomobili idarəetmədən çıxaraq aşıb.

Qəza nəticəsində bir ailənin üzvləri - 2010-cu il təvəllüdlü Məmmədov Röyal İlqar oğlu, 1985-ci il təvəllüdlü Məmmədova Hicran Əmiraslan qızı və 1974-cü il təvəllüdlü Məmmədov İlqar Oktay oğlu müxtəlif bədən xəsarətləri alıblar. Onlar xəstəxanaya yerləşdiriliblər. Vəziyyətləri kafi və orta-ağır qiymətləndirilir.

Faktla bağlı araşdırmalara başlanılıb.