Yuxarı

​Gədəbəy sakinini sel aparıb - FOTO

32 yaşlı gəncin meyiti sudan çıxarılıb

Gədəbəy. 17 iyun. REPORT.AZ/ Gədəbəy rayonunda təbii fəlakət nəticəsində yerli sakini sel aparıb.

"Report"un Qərb bürosunun məlumatına görə, hadisə iyunun 16-da axşam saatlarında baş verib.

Bədbəxt hadisə Gədəbəyə yağan dolu və güclü yağışdan sonra qeydə alınıb. Belə ki, güclü yağış nəticəsində Başkənd gölü daşıb. Bu zaman meşədən odun gətirən Düzrəsullu kənd sakini, 32 yaşlı Osman Rzayevi sel aparıb. Onun meyiti sudan çıxarılaraq aidiyyəti üzrə təhvil verilib.

Dolu, əsasən Şınıx bölgəsinin kəndlərini, İvanovka, Çobankənd, Saratovka, Qızıltorpağa yağıb. Təbiət hadisəsi nəticəsində, həmçinin təsərrüfata ciddi ziyan dəyib. Başkənd və Göyəllidə sel yolları yuyub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi