Fuad Muradov Gürcüstanın dövlət naziri ilə görüşüb - FOTO

Fuad Muradov Gürcüstanın dövlət naziri ilə görüşüb - FOTO Gürcüstanda səfərdə olan Azərbaycanın Diasporla İş üzrə Dövlət Komitəsinin sədri Fuad Muradov bu ölkənin barışıq və vətəndaş bərabərliyi məsələləri üzrə dövlət naziri Ketevan Tsixelaşvili ilə görüşüb.
Hadisə
109
2 Aprel , 2019 19:02
Fuad Muradov Gürcüstanın dövlət naziri ilə görüşüb - FOTO

Gürcüstanda səfərdə olan Azərbaycanın Diasporla İş üzrə Dövlət Komitəsinin sədri Fuad Muradov bu ölkənin barışıq və vətəndaş bərabərliyi məsələləri üzrə dövlət naziri Ketevan Tsixelaşvili ilə görüşüb.

“Report”un Gürcüstan bürosu xəbər verir ki, görüşdə Gürcüstanın barışıq və vətəndaş bərabərliyi məsələləri üzrə dövlət nazirinin müavini Lia Giqauri, nazirin Kvemo Kartli bölgəsi üzrə nümayəndəsi Ayaz Məmmədov, Azərbaycanın Gürcüstandakı səfiri Dursun Həsənov, SOCAR-ın Gürcüstan nümayəndəliyinin rəhbəri Mahir Məmmədov iştirak edib.

Gürcüstanın azərbaycanlı vətəndaşlarının ölkənin vətəndaş cəmiyyətinə inteqrasiyası istiqamətində həyata keçirilən tədbirlər, həmçinin milli azlıqlardan olan gənclər üçün nəzərdə tutulan təhsil və təcrübə proqramları barədə müzakirələr aparılıb, eyni zamanda Gürcüstandakı Azərbaycan icmasının hazırkı vəziyyəti və üzləşdiyi problemlərə toxunulub.

Tərəflər Gürcüstan və Azərbaycan arasında dostluq münasibətlərinin əhəmiyyətini vurğulayaraq gələcəkdə qarşılıqlı əməkdaşlığın daha da gücləndirilməsinə razılıq ifadə ediblər. 

Son xəbərlər

Orphus sistemi